ឯកឧត្ដម ឈើយ ចាន់ណា បានអញ្ជើញចូលរួមដឹកនាំកិច្ចប្រជុំតុមូល ពិភាក្សាអំពីនីតិវិធីការត្រៀមរៀបចំបោះឆ្នោតជ្រើសរើសគណៈកម្មាធិការសមាគម និងប្រធានសមាគមខ្មែរ-ចិន ខេត្តបន្ទាយមានជ័យ អាណត្តិទី៨ ២០២៥-២០៣០
នារសៀលថ្ងៃទី២១ ខែធ្នូ ឆ្នាំ ២០២៤ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ ឯកឧត្ដម អេង ប៊ុនឆាយ សមាជិកក្រុមប្រឹក្សាខេត្ត និងជាទីប្រឹក្សាជាន់ខ្ពស់សមាគមនិងលោក ឆាន់ ប៊ុនម៉ាន់ ប្រធានសមាគមខ្មែរ- ចិន ខេត្ត បានអញ្ជើញចូលរួមដឹកនាំកិច្ចប្រជុំតុមូល ពិភាក្សាអំពីនីតិវិធីការត្រៀមរៀបចំបោះឆ្នោតជ្រើសរើសគណៈកម្មាធិការសមាគម និងប្រធានសមាគមខ្មែរ-ចិន ខេត្តបន្ទាយមានជ័យ អាណត្តិទី៨ ២០២៥-២០៣០ ។ ស្ថិតនៅសាលប្រជុំសមាគម ភូមិ ខ្លាកូន សង្កាត់ កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
